[產品測試] 微波爐/焗爐用完即棄濕紙巾

今日去咗＄12店，見到一包用完即棄濕紙巾，話係微波爐/焗爐專用，聲稱可以除臭，咁神奇？見之前未試過，就買咗一包返嚟試吓啦。

一包原來有25張濕紙巾，如果每日用一張，差唔多每個月都要買一包，但係貪方便嘅我都決定試一試。

打開咗發現同普通濕紙巾都好相似，仲有少少香味。

用法：就好似我哋平時用濕紙巾抹野一樣，用完個焗爐之後（凍返之後）就可以抹，抹乾淨之後個爐入面真係有一啲香味，張濕紙巾仲抹到黃咗，感覺唔錯，加上佢話係日本製造，應該信得過。